अप्सरा धमला, काठमाडौँ । राष्ट्रिय स्वतन्त्र पार्टिबाट अब ३ दिन पछि हुन लागेको उपनिर्वाचनमा तनहुँ १ मा उमेद्वारी दिनु भएका स्वर्णिम वाग्लेले प्रधानमन्त्रीले पनि निर्वाचन आचारसंहिताको उल्लङ्घन गरेको टिप्पणी गर्नु भएको छ । तनहुँमा भएको चुनावि सभालाई सम्बोधन गर्दै उहाँले यस्तो बताउनु भएको हो । उहाँले भन्नु भयो, ‘देशको प्रधानमन्त्रि जस्तो मान्छे निर्वाचन आयोगको आचारसंहिताको ठाडो उल्लङ्घन गर्दै कस्ले के गर्छ मलाई हेरौँ भन्दै हेलिकप्टरमा उडेर अरु तिन भाई भुतपुर्व प्रधानमन्त्री बोकेर मलाई हराउन यहाँ उत्रिएका छन् ।’
उहाँले अरु पार्टीका केन्द्रिय नेताले पैसा बाँडेर र जनतालाई धम्क्याएर भोट माग्दै हिडेको पनि खुलासा गर्नु भएको छ । उहाँले वृदाश्रम जस्तो देश भएकाले अब युवाको नेतृत्व आवश्यक रहेको कुरा पनि बताउनु भयो । डा. वाग्लेले देशको आत्मा भनेको जनता रहेको र स्वतन्त्र पार्टीको खेदो खन्दै हिडेकालाई एक मुष्ट जवाफ बैशाख १० मा दिन जनतालाई आग्रह गर्नु भएको छ ।
