काठमाडौँ । संयुक्त राष्ट्रसंघले बुधवार सार्वजनिक गरेको तथ्यांकअनुसार, चीनलाई उछिन्दै भारत संसारको सबभन्दा धेरै जनसंख्या भएको देश बनेको छ । भारतको जनसंख्या १ अर्ब ४२ करोड ८० लाख पुगेको छ भने चीनको जनसंख्या १ अर्ब ४२ करोड ५० लाख छ ।

Advertisement

राष्ट्रसंघको विश्व जनसंख्या ड्याशबोर्डमा यो संख्या उल्लेख गरिएको छ । बढ्दो जनसंख्याले भारत सरकारलाई थप रोजगारी सिर्जनाको चुनौती दिलाएको छ । भारतको विशाल जनसंख्यामध्ये आधा जति ३० वर्षभन्दा कम उमेरको छ । भारत आगामी वर्षहरूमा संसारको सबभन्दा द्रुत गतिमा विकास हुने प्रमुख अर्थतन्त्र बन्न लागेको छ । एसियाको तेस्रो ठूलो अर्थतन्त्र भारतमा अहिले विश्वको लगभग २० प्रतिशत जनसंख्या छ । भारतको जनसंख्या थप बढ्ने अनि चीनको चाहिँ घट्ने प्रक्षेपण गरिएको छ ।