अप्सरा धमला , काठमाडौँ । केहिदिन अघि सार्वजनिक भएको प्रकाश सपुतको ‘सकम्बरी’ गितले निकै चर्चा पायो । रिलिज भएको ३ \४ दिन सम्म पनि युटुबको ट्रेन्डिङ नम्बर १ मा रहन सफल भयो । अहिले सोहि गितलाई लिएर विवाद चर्किन थालेको छ । कतिपयले यो गितले महिलालाई अन्याय भएको परिभाषा लगाएका छन् ।
यस्तै क्रममा लोकदोहोरी गाईका बबिता बाँनिया (जेरी)ले उक्त गितले महिलाको चरित्रमाथि प्रहार गरेको टिप्पणि गर्नु भएको छ । उहाँले सामाजिक सञ्जाल मार्फत गायक सपुतले आफु र आफुनिकट मानिसहरुको कथा हालेर महिलाको चरित्र माथि प्रहार गरेको आरोप लगाउनु भएको हो । उहाँले रातिमा काम गर्नुलाई नराम्रो तरिकाले व्याख्या गरेको प्रतिक्रिया दिनु भएको छ ।
‘डाक्टर, नर्स अस्पतालको ड्युटि सकेर आएका हुन सक्छन्, पत्रकार समाचार लेखेर \ पढेर आएका हुन सक्छन् ।’ उहाँले लेख्नु भएको छ । उहाँले फेरी लेख्नु भएको छ, ३ बजे राति हिड्ने सबै महिला शरीर बेचेर फर्किएका हुँदैनन् । ‘
