काठमाडौं । राष्ट्रपति रामचन्द्र पौडेलको छातीमा संक्रमण देखिएको छ । फलोअप परीक्षणका लागि सोमबार त्रिवि शिक्षण अस्पताल महाराजगञ्जमा पुग्नु भएका पौडेलको अल्ट्रासाउण्डको सहायताले पानी निकाली परीक्षण गर्न लागिएको हो ।
Advertisement
उहाँको छातीको तल्लो भागमा संक्रमण देखिएकाले परीक्षण गर्न लागिएको हो । उहाँको बाँया छातीको तल्लो भागमा थोरै पानी देखिएको र संक्रमणको कारण थाहा पाउन परीक्षणका लागि पठाएको चिकित्सकले बताउनु भएको छ । पेटमा समस्या देखिएपछि राष्ट्रपति पौडेल १८ चैतमा पाँच दिन त्रिवि शिक्षण अस्पतालमा भर्ना भएर बस्नु भएको थियो ।
