काठमाडौं । भारतीय चर्चित अभिनेता अक्षय कुमारले कोरोना भाइरस (कोभिड १९) को संक्रमण रोकथाम कोषमा २५ करोड सहयोग गरेका छन् ।विश्वभर फैलिएको कोरोना भाइरस संक्रमण लागि प्रधानमन्त्री नरेन्द्र मोदीले घोषणा गरेको कोषमा अभिनेता अक्षयले २५ करोड सहयोग दिने घोषणा गरेका हुन् ।

Advertisement

अक्षयले सबैसँग सहयोगका लागि अपिल समेत गरेका छन् । मोदीले उनलाई धन्यवाद समेत दिएका छन् । कमेडियन कपिल शर्माले ५० लाख सहयोगको घोषणा गरिसकेका छन् भने अभिनेता प्रभासले ४ करोड दिने बताएका छन् । अन्य सेलिब्रेटीहरुले पनि सहयोग गरिरहेका छन् ।

भारतमा अहिले २१ दिने लकडाउन गरिएको छ । त्यहाँ हालसम्म २५ जनाको कोरोना संक्रमणबाट ज्यान गइसकेको छ भने विश्वभर ६ लाख बढी संक्रमित भएका छन् ।