काठमाडाैं । नर्वेको परराष्ट्र मन्त्रालयले रुसी दूतावासका १५ जना अधिकारीलाई देशनिकाला गर्ने निर्णय लिएको छ । उहाँहरू कूटनीतिक आवरणको आधारमा गुप्तचर अधिकारीहरू भएको मन्त्रालयको भनाइ छ ।

Advertisement

‘युरोपमा सुरक्षाको परिस्थिति बदलिएको सन्दर्भमा सरकारले यो निर्णय लिएको हो,’ मन्त्रालयको बयानमा उल्लेख गरिएको छ, ‘अहिले रुसबाट गुप्तचरीको जोखिम बढेको छ । निष्काशित अधिकारीहरूले तत्कालै नर्वे छोड्नुपर्ने हुन्छ ।’ यसमा रुसको प्रतिक्रिया आइसकेको छैन । नर्वे पश्चिमी सैन्य गठबन्धन नेटोको सदस्य हो र उसको उत्तरी ध्रुवमा रुससँग सिमाना पर्छ ।

‘नर्वेमा रुसको गुप्तचरी गतिविधिलाई प्रतिकार तथा न्यूनीकरण गर्ने अनि राष्ट्रिय स्वार्थलाई सुरक्षित बनाउने यो महत्त्वपूर्ण कदम हो,’ परराष्ट्रमन्त्री आन्निकेन हुइटफेल्टले बताउनु भयो ।