अप्सरा धमला, काठमाडौँ । राष्ट्रिय स्वतन्त्र पार्टीका केन्द्रिय सभापति रवि लामिछानेले कान्तिपुरमा भ्रमपुर्ण समाचार छापिएको भन्दै आपत्ति जनाउनु भएको छ । उहाँले विहिबार कान्तिपुरले छापेको “रविको फास्ट ट्य्राक : ७ दिने बोलपत्र गरेर ठेक्का” शिर्षकको समाचारमा सत्यता नभएको भन्दै उक्त समाचारको खण्डन स्वरुप सामाजिक सञ्जालमा पोष्ट राख्दै यस्तो आपत्ति जनाउनु भएको हो । उहाँले लेख्नुभएको छ , “आजको कान्तिपुरले समाचारको नाममा भ्रम छापेको छ । मेरो जवाफ आउदै छ । अलि समय लाग्ला । त्यतिन्जेल सम्म पत्याइदिएर उहाँहरुलाई सहयोग गरिदिनु होला ।”
बुधबार रास्वपाले राखेको पत्रकार सम्मेलनमा पनि रविले अलि नाम चलेका मिडिया देखि व्यक्ति सम्मले आफ्नो खेदो खन्न बाँकि नछाडेको अभिव्यक्ति दिनु भएको थियो । केही समय अगाडिको पत्रकार सम्मेलनमा सभापति रविले १२ भाई मिडियाले नराम्रो गरेको भन्दै बोलेपछि आजभोलि त्यसको चर्चा निकै हुदै आएको छ ।
