काठमाडौं – बैंक तथा वित्तीय संस्थाहरूले कर्जा लगानी विस्तार गर्न नसक्दा वित्तीय प्रणालीमा अधिक तरलता रहेको छ। अधिक तरलताको रकम व्यवस्थापनका लागि आज केन्द्रीय बैंकले ८४ दिनको लागि थप ५० अर्ब खिच्ने भएको छ।

Advertisement

नेपाल राष्ट्र बैंकले आज अर्थात् मंसिर ३ गते ८४ दिनको लागि ५० अर्ब निक्षेप संकलन गर्न लागेको हो। यस निक्षेपको ब्याजदर बोलकबोलको माध्यमबाट निर्धारण हुनेछ भने २०८२ माघ २८ गते साँवा तथा ब्याज भुक्तानी हुने केन्द्रीय बैंकले जनाएको छ।

राष्ट्र बैंकले बैंक तथा वित्तीय संस्थाहरूले घटीमा १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्ने बताएको छ। मंसिर लागेसँगै केन्द्रीय बैंकले यो पहिलो पटक तरलता खिचेको हो।