काठमाडौं । फिल्म ‘चंगा चेट’ मा समावेश लोकप्रिय गीत ‘गोजीमा दाम छैन’ लाई युट्युबमा १० करोड पटक हेरिएको छ ।
यो गीत ७ वर्षअघि ओएसआर डिजिटलको युट्युब च्यानलमार्फत सार्वजनिक गरिएको थियो ।
माधव वाग्लेले निर्माण र दीपेन्द्र के खनालले निर्देशन गरेको फिल्मको यो गीतमा राजनराज शिवाकोटीको संगीत छ । गीतमा शिवाकोटी, मेलिना राई र गृष्मा शिवाकोटीले स्वर दिएका छन् ।
हरिहर तिमल्सिनाको शब्द छ । भिडियोमा प्रमुख कलाकार प्रियंका कार्की, सन्दीप क्षेत्री, आयुष्मान देशराज जोशी, परमिता राणा, रवीन्द्र झा र सुरक्षा पन्तले अभिनय गरेका छन् ।
नृत्य निर्देशन प्रवीण सिंहले गरेका हुन् भने नीरज कँडेलले छायांकन । दृश्य सम्पान दीर्घ खड्का सम्पादन दिर्घ खड्काले गरेका हुन् ।
‘गोजीमा दाम छैन’ ले नेपाली संगीतको डिजिटल इतिहासमा अर्को नयाँ अध्याय लेखेको छ’ ओएसआर युट्युब च्यानलले विज्ञप्तिमार्फत जनाएको छ ।
