काठमाडौँ । नेकपा एमालेका नेता एवं पूर्वमन्त्री लालबाबु पण्डितले नयाँ भनिएका चटपटे पार्टीले गर्दा देशमा समस्या निम्तिन लागेको बताउँनु भएको छ ।एमाले उम्मेदवार रामप्रसाद न्यौपानेलाई भोट माग्न चितवनमा २ पुग्नु भएका नेता पण्डितले आइतवार कोणसभामा बोल्दै यस्तो बताउनु भएको हो।
‘अहिले यी चटपटे पार्टीले जनताको समस्या समाधान गर्न सक्दैनन्, अब समस्या थप्न आएका हुन्,’ रास्वपातर्फ लक्षित गर्दै नेता पण्डितले भन्नु भयो । ‘देशलाई समस्या पर्दा नागरिकता त्यागेर विदेश जाने र फेरि देशमा आएर म राष्ट्रवादी हुँ भन्दै टुप्लुक्क देखिने’ गरेको उहाँको भनाइ छ ।अब चितवनका जनताले जिताउनु हुँदैन,’ पण्डितले भन्नु भयो । अहिले उपनिर्वाचनका लागि चितवन २ मा रास्वपा सभापति रवि लामिछाने, एमालेका चितवनका अध्यक्ष रामप्रसाद न्यौपाने, कांग्रेसका पूर्व जिल्ला सभापति जीतनारायण श्रेष्ठ लगायत मुख्य प्रतिस्पर्धी हुनुहुन्छ ।
