काठमाडाैं । चीनको हुनान प्रान्तमा आफ्ना छिमेकीको घरमा राखिएका कुखुरालाई तर्साएर मार्ने कु थरका व्यक्तिलाई ६ महिनाको कैद सजाय दिइएको छ ।छिमेकीसँगको झगडामा कुले उनको ११ सयवटा कुखुरा मारिदिएका थिए । कुको रुख अनुमति नलिइकन छिमेकी चोङले पोहोर साल काटिदिएको भन्दै दुईबीच झगडा चलिरहेको थियो । चोङको घरमा राति गोप्य तरिकाले पसेर कुले कुखुराको खोरमा चर्को प्रकाश दिने फ्ल्याशलाइट बालेका थिए । त्यसले गर्दा कुखुराहरू डराएर कुनातिर गएर अनि भागदौडमा सयौं कुखुरा मारिए । त्यतिखेर ५०० वटा कुखुरा मारिँदा कुलाई ३ हजार युआनको क्षतिपूर्ति दिन लगाइयो ।
तर त्यतिले मात्र नपुगेर कुले चोङको खोरमा गएर ६४० वटा कुखुरा मारिदिए । कुले जानाजान चोङको सम्पत्तिमा क्षति पुर्याएको भन्दै हनयाङ अदालतले कैद सजाय दिएको हो । मारिएका ११ सय कुखुराको मूल्य १३ हजार ८४० युआन पर्छ । कुले आफ्नो अपराधको पश्चात्ताप गरेकाले अदालतले कमै सजाय दिएको बताइएको छ ।
