काठमाडौँ । मोहन वैद्य नेतृत्वको नेकपा क्रान्तिकारी माओवादी र धर्मेन्द्र बास्तोला नेतृत्वको बहुमतबीच पार्टी एकता भएको छ । उहाँहरूले इच्छुक प्रतिष्ठान घट्टेकुलोमा आज एक कार्यक्रम गरी पत्रकार सम्मेलन मार्फत पार्टी एकताको घोषणा गर्नु भएको हो ।

Advertisement

बास्तोलाले नेत्रविक्रम चन्द विप्लव महासचिव रहेको नेपाल कम्युनिष्ट पार्टीबाट अलग भएर नेपाल कम्युनिष्ट पार्टी (बहुमत) गठन गर्नु भएको थियो।प्रधानमन्त्रीसमेत रहनु भएका पुष्पकमल दाहाल ‘प्रचण्ड’ नेतृत्वको नेकपा (माओवादी केन्द्र) बाट वैद्य अलग हुँदा उहाँलाई विप्लव र बास्तोलाले पनि साथ दिनु भएको थियो । पछि विप्लव पनि वैद्यको पार्टीबाट अलग हुनु भएको थियो।