आकांक्षा पोख्रेल,तनहुँ । नेपाली कांग्रेसका उम्मेदवार गोविन्द भट्टराईले वडा कार्यालयले वितरण गर्दै आएको सामाजिक सुरक्षा भत्ता वितरण गर्दै भोट मागेका छन्। भट्टराई वैशाख १० मा हुने उपनिर्वाचनमा तनहुँ-१ मा प्रतिनिधिसभा सदस्यतर्फ कांग्रेसका उम्मेदवार हुन। उनी सत्ता गठबन्धनका साझा उम्मेदवार पनि हुन।
आज बिहीबार व्यास नगरपालिका-११ वडा कार्यालयले सामाजिक सुरक्षा भत्ता वितरण कार्यक्रम राखेको थियो। भत्ता वितरण गरिरहेको समयमा त्यहाँ पुगेका उम्मेदवार भट्टराईले अपांगता भएका धर्मबहादुर अधिकारीलाई वडाले वितरण गर्ने भत्ता आफ्नो हातबाट दिएका हुन्।
‘आज भत्ता वितरण कार्यक्रम थियो। कर्मचारीले भत्ता वितरण गरिरहेका थिए। त्यही बेला उहाँ (गोविन्द भट्टराई) आउनु भएको रहेछ त्यही बेला गाउँको भाइलाई रकम दिनु भएछ,’ वडा अध्यक्ष दलबहादुर दुराले भने आफुलाइ यस बारे केहि थाहा नभएको बताएका छन।उनि भन्छन ” यो घटनाबारे सबै कुरा थाहा भएन, उहाँले पनि खै किन त्यसरी दिनु भएछ।’
वडा अध्यक्ष दुरा स्थानीय तहको निर्वाचनमा व्यास नगरपालिका-११ मा कांग्रेसबाट उम्मेदवार बनेर निर्वाचित भएका हुन।
