काठमाडौं । निर्वाचन आयोगले आगामी १० वैशाखमा हुने प्रतिनिधिसभा उपनिर्वाचनका लागि उम्मेदवारले खर्च गर्न पाउने रकमको अधिकतम सीमा तोकेको छ । बुधबार बसेको आयोग पदाधिकारी बैठकले उपनिर्वाचनमा प्रत्यासी रहेका उम्मेदवारले गत ३१ असोजको नेपाल राजपत्रमा तोकिएबमोजिम हुने गरी चितवन २ तथा बारा २ का लागि २९ लाख र तनहुँ १ का लागि ३१ लाख खर्च गर्न पाउने गरी सीमा निर्धारण गरेको हो।

Advertisement

आयोगले तोकेको खर्चको हदभित्र रही निर्वाचनमा खर्च गर्न र प्रतिनिधिसभा सदस्य निर्वाचन ऐन, २०७४ को दफा ७२ को उपदफा (४) बमोजिम निर्वाचन खर्चको विवरण उम्मेदवार वा उम्मेदवारका प्रतिनिधिमार्फत निर्वाचन परिणाम घोषणा भएको मितिले ३५ दिनभित्र सम्बन्धित जिल्ला निर्वाचन कार्यालयमा पेस गर्नुपर्ने आयोगका प्रवक्ता शालिग्राम शर्मा पौडेलबाट जारी विज्ञप्तिमा भनिएको छ।