काठमाडौं । प्रहरीले जुवातास खेलिरहेको अवस्थामा २० जना जुवाडेलाई पक्राउ गरेको छ। प्रहरीले टोखा नगरपालिका–३ बानियाँटार धमालटारका ३९ वर्षीय युवराज कँडेलको घरमा जुवातास खेलिरहेको अवस्थामा कँडेलसहित ९ जनालाई मंगलबार राती पक्राउ गरिएको बताएको हो । विशेष सूचनाको आधारमा प्रहरी प्रभाग गोंगबुबाट खटिएको प्रहरीले जुवाडेलाई नगद २ लाख १३ हजार ७०० र ६ बुक ताससहित नियन्त्रणमा लिएको हो।
त्यस्तै प्रहरीले काठमाडौं महानगर १६ बोहराटारस्थित पुरानो सामुदायिक भवनमा जुवातास खेलिरहेको अवस्थामा सोही ठाउँका ३८ वर्षीय राजन बोहरासमेत ८ जनालाई मंगलबार दिउँसो पक्राउ गरेको छ। विशेष सूचनाको आधारमा प्रहरी वृत्त बालाजुबाट खटिएको प्रहरीले उनीहरूलाई नगद २५ हजार ५०० र २ बुक ताससहित नियन्त्रणमा लिएको हो। प्रहरीका अनुसार सर्लाहीको लालबन्दी नगरपालिका–१७ रानीगञ्जडाँडा टोल नजिकको आँप बगैंचामा जुवातास खेलिरहेको अवस्थामा सोही नगरपालिका–१७ का ६० वर्षीय बेचु बमजनसमेत ३ जनालाई मंगलबार दिउँसो पक्राउ गरिएको छ।
विशेष सूचनाको आधारमा इलाका प्रहरी कार्यालय लालबन्दीबाट खटिएको प्रहरीले उनीहरूलाई नगद ४४ हजार ३४० र १२ बुक ताससहित जुवाखालबाट नियन्त्रणमा लिएको हो।
