काठमाडौँ । बंगलादेशको राजधानी ढाकामा भीषण आगलागी भएको छ। सस्तो कपडा बजारका रुपमा चर्चित बंगबजारमा आज बिहान स्थानीय समय अनुसार ६ बजेतिर आगलागी सुरु भएको हो। बंगाली मिडियाका अनुसार आगलागी अझै नियन्त्रणमा आएको छैन। आगो निभाउन पानीको समेत अभाव भएको बताइएको छ।

Advertisement

आगलागी नियन्त्रणका लागि ५० भन्दा बढी दमकल र ६०० भन्दा बढी आगलागी नियन्त्रकहरुले काम गरिरहेका छन्। सो बजारमा तीन हजारभन्दा बढी कपडा पसल रहेको बताइएको छ। बजारमा लागेको आगो नजिकैका घरमा पनि फैलिएको छ। हेलिकोप्टर, अग्नि नियन्त्रक र दमकलले आगो निभाउने प्रयास भए पनि सम्भव भएको छैन। यो बजार गार्मेन्ट उत्पादन र विभिन्न प्रकारका कपडाका लागि परिचित थियो।