राष्ट्रिय स्वतन्त्र पार्टीका सभापति रवि लामिछानेले चितवन–२ को प्रतिनिधि सभा सदस्यका लागि उम्मेदवारी दर्ता गर्नु भएको छ। सोमबार बिहान मुख्य निर्वाचन अधिकृतको कार्यालय पुगेर लामिछानेले सबैभन्दा पहिले उम्मेदवारी दर्ता गराउनु भएको हो। उहाँको प्रस्तावकमा सीता ज्ञवाली र समर्थकमा बिक्रम श्रेष्ठ रहनु भएको छ।

Advertisement

चितवन–२ मा आफ्नो उम्मेदवारी दर्ता गरेर लामिछाने डा. स्वर्णिम वाग्लेको उम्मेदवारी दर्ता गर्न तनहुँ प्रस्थान गरनु भएको छ। लामिछाने मंसिर ४ को निर्वाचनमा यही क्षेत्रबाट भारी मतसहित विजयी हुनु भएको थियो। नागरिकता विवादमा सर्वोच्चले उहाँको सांसद पद खारेज गरिदिएपछि चितवन–२ मा उपनिर्वाचन हुन लागेको हो। उपनिर्वाचनका लागि नेपाली कांग्रेस, नेकपा एमाले र राप्रपाले पनि आज दिउँसो उम्मेदवारी दर्ता गर्दैछन्।