एप्पलले आफ्नो आईफोन १७ प्रो सिरिजमा क्यामरा आइल्याण्ड परिवर्तन गर्नुका साथै पछाडिको एप्पल लोगो पनि रिपोजिसन गरिने कुरामा लीकस्टर माजिन बुले खुलासा गरेका छन्। १७ प्रो सिरिजको लोगो तल सारिने भएको छ भने एप्पलले आफ्नो म्यागसेफ चार्जिङ कोइलको स्थान पनि परिवर्तन गरेर अब प्रतिष्ठित काटिएको स्याउको वरिपरि राखिने भएको छ।
यो आईफोन ११ सिरिज पछिको अर्को लोगो रिपोजिसन हुने भएको छ र आईफोन ११ सिरिजदेखि एप्पलको हालको लोगो कायम रहेदै आएको स्थान देख्न सकिने छ। भेनिला आईफोन १७ वा एयर मोडेलहरूले रिपोजिसन गरिने एप्पल लोगो प्राप्त गर्ने बारेमा भने अहिले कुनै जानकारी उल्लेख गरिएको छैन।
हालको यो नयाँ रिपोर्ट केस निर्माण व्यवसायका स्रोतहरूबाट आएको र सोनी डिक्सनले पनि यो रिपोर्टको पुष्टि गर्दै रिपोजिसन गरिने लोगो र म्यागसेफ चार्जिङ कोइलको रेन्डर पनि साझा गरेको जनाइएको छ।यी नयाँ अफवाहहरूले उल्लेख गरेको विवरणहरु कायम रहनेछन् वा छैनन् भनेर समयले बताउने छ। त्यसैगरी १७ प्रो सिरिजमा हुने भनिएको ठूलो क्यामरा आइल्याण्ड अब रिपोजिसन गरिने लोगो र परिवर्तित म्यागसेफ चार्जिङ कोइल पछाडिको कारण हुन सक्ने जीएसएमएरिनाले रिपोर्ट गरेको छ।
