काठमाडौँ । राष्ट्रिय स्वतन्त्र पार्टीका केन्द्रिय सभापति तथा पुर्व उपप्रधान तथा गृह मन्त्री रवि लामिछानेविरुद्ध रिट निवेदन लिएर युवराज ‘सफल’ पुनः सर्वोच्च अदालत पुग्नु भएको छ । अमेरिकी नागरिक रहेको अवस्थामा नेपालको राहदानी लिएको विषयलाई लिएर लामिछानेमाथि मुद्दा दायरको माग गर्दै पौडेल अदालतमा पुग्नु भएको हो । अमेरिकी नागरिक हुँदा हुँदै नेपाली नागरिक हुँ भन्नु र पासपोर्ट निवेदन फारम भरी नेपाली राहदानी प्राप्त गर्नु राहदानी ऐन, २०२४ को दफा ५(ख) विपरीतको कार्य र कसुर भएकाले महान्यायाधिवक्ताले रवि लामिछाने उपर मुद्दा नचलाउने निर्णय गर्नु दुराग्रहपूर्ण छ भन्ने प्रस्ट रहेको उहाँको भनाई छ ।
राहदानी प्राप्त गर्ने कार्यमा लामिछानेको आपराधिक मनसाय नरहेको भनेर महान्यायाधिवक्ताले आफ्नो क्षेत्राधिकारभन्दा बाहिर गएर निष्कर्ष निकालेको पनि पौडेलले दाबी गर्नु भएको छ । लामिछानेले उक्त राहदानी कुन–कुन समयमा कुन प्रयोजनका लागि प्रयोग गर्नु भएको (दुरुपयोग गर्नु भएको) थियो भन्ने विवरण अध्यागमन विभागबाट झिक्नुपर्ने उहाँको माग रहेको छ । दोहोरो छलफल नभएसम्म लामिछानेलाई नेपाली नागरिकको रूपमा राजनैतिक अधिकार प्रयोग गर्न नदिनु भनी सर्वोच्च अदालत नियमावली २०७४ को नियम ४९ बमोजिम निर्वाचन आयोग लगायतका विपक्षीहरूका नाममा अन्तरिम आदेश जारी गर्न पनि पौडेलले रिटमा उल्लेख गर्नु भएको छ ।
यस अघि नागरिकता विवादमा सर्वोच्च अदालतबाट दोषी ठहर भएपछि लामिछानेले उपप्रधान तथा गृह मन्त्री पद गुमाउनु भएको थियो । उहाँ चितवन क्षेत्र न २ बाट चुनाव लडेर चिर्वाचित हुनु भएको थियो भने अहिले सोही क्षेत्रमा हुन लागेको उपनिर्वाचनमा लामिछाने फेरि चुनाव लड्दै हुनुहुन्छ।
