राष्ट्रिय स्वतन्त्र पार्टी (रास्वपा)ले पार्टी सभापति रवि लामिछानेको बचाउ र भ्रष्टाचारविरुद्ध खबरदारी गरेर स्थापना दिवस मनाएको छ । पार्टी स्थापना भएको तीन वर्ष पुगेको अवसरमा रास्वपाले माइतीघरमा सभापतिलाई प्रतिसोध राखेर कानुनी झमेलामा फसाएको भन्दै हस्ताक्षर संकलन गरेको छ ।
टेलिभिजनमा रहँदाको लोकप्रियतालाई रविले विभिन्न राजनीतिक मुद्दा उठाउँदै मतमा बदलेका थिए । तर, उनीमाथिकै व्यक्तिगत मुद्दाहरूले गर्दा पार्टीको साखमाथि असर पर्न गएको छ।
सभापति रवि लामिछाने नागरिकताको प्रमाण, राहदानी हुँदै सहकारी बचत रकम अपचलन मुद्दामा तानिए । सहकारी बचत रकम अपचलन मुद्दामा अहिले उनी थुनामा छन् । सभापति रवि थुनामा परेपछि रास्वपा पनि अप्ठ्यारोमा पर्दै आएको छ ।
१३ माघ २०७९ मा सर्वोच्च अदालतका तत्कालीन कामु प्रधानन्यायाधीश हरिकृष्ण कार्की तथा न्यायाधीशहरू विश्वम्भरप्रसाद श्रेष्ठ, ईश्वरप्रसाद खतिवडा, आनन्दमोहन भट्टराई र अनिलकुमार सिन्हा सम्मिलित संवैधानिक इजलासले नागरिकता प्रकरणमा रविलाई दोषी ठहर गर्यो । जसका कारण रविले गृहमन्त्री पद मात्रै नभएर सांसद र पार्टी सभापति पनि गुमाउनु पर्यो
नागरिकता प्रकरण सुल्झिएपछि पुरानै लयमा फर्कन लागेका रबि सहकारी ठगीदेखि सम्पत्ति शुद्धीकरणसम्म आरोप खेप्दै अहिले उनी भैरहवा कारागारमा छन् । तर यति बेला सिंगो पार्टी नै सर्बोच्चले समेत सहकारी प्रकरणमा रुपन्देही अदालतको निर्णयलाई सदर गरेको रवि लामिछानेको बचाउमा भन्दै हस्ताक्षर संकलन गरिरहेको छ।
यसरी कानुनले नै रबि लामिछाने मुछिएको प्रकरणमा त्रुटी देखेको बिषयलाई सार्वजनिक रुपमा आफ्ना नेता बचाऊ भन्दै हस्ताक्षर संकलन गर्नु आफैमा गैरकानुनी क्रियाकलाप हो। किनकि अदालतको विचाराधीन रहेको मुद्धामा कानुन निर्माताहरु बाटै यो किसिमको गम्भीर त्रुटी किन र कसरी भयो भन्ने पनि चासोको बिषय बनेको छ।
यसले पनि रास्वपाको अपरिपक्ता छ भन्ने प्रष्ट देखिन्छ होईन भने आफै कानु निर्माण गर्नेस्थानामा रहेका रास्वपका नेताहरु किन अदालतको निर्णय बिपरित जादै छन् बन्ने गम्भीर प्रश्न खडा भएको छ।
यसतै हो भने यसले आफना जोकोही भएपनि बचाउनु पर्छ भन्ने भाष्य समेत निर्माण भएको देखिन्छ। पुरानाले आफ्नालाई जोगाए भन्दै आएको रास्वपले पनि आफ्नोलाई जोगाउन जुन सुकै हद सम्म जानसक्ने देखियो।
