काठमाडौं। गृहमन्त्री रमेश लेखकले बुधबार दिउँसो पत्रकार सम्मेलन गरेर आफ्नो धारणा सार्वजनिक गर्ने भएका छन् ।
Advertisement
मंगलबार र बुधबार दुवै दिन भिजिट भिसा प्रकरण उठेका प्रश्नहरूबारे संसद्मा जवाफ दिन खोजे पनि प्रतिपक्षी दलहरूले निरन्तर अवरोध गरेपछि लेखकले पत्रकार सम्मेलन गर्न लागेका हुन् ।
गृहमन्त्रीको सचिवालयका एकजना सदस्यका अनुसार संसद्मा उभिएर जवाफ दिने परिस्थिति नबनेको अवस्थामा पत्रकार सम्मेलनमार्फत लेखकले धारणा सार्वजनिक गर्न लागेका हुन् ।
उनले संसद् भवनकै ल्हाेत्से हलमा पत्रकार सम्मेलन गरेर भिजिट भिसा प्रकरणबारे स्पष्टीकरण दिन लागेका हुन् ।
