काठमाडौं। रास्वपा सांसद गणेश पराजुलीले सभामुखले संसदमा सत्तापक्षलाई बोल्न दिनको लागि विपक्षी दलसँग बार्गेनिङ गरेको आरोप लगाएका छन् ।

Advertisement

भिजिट भिसा प्रकरणमा जोडिएका गृहमन्त्री रमेश लेखकको राजीनामा माग्दै विपक्षी दलले अवरोध गरेपछि सभामुखले आज दलीय आधारमा बोल्न तयार भए मात्रै बोल्न समय दिने नभए नदिने बताएका थिए ।

आज प्रतिपक्षलाई पनि बोल्न दिएनन् । बैठक स्थगित भएपछि संसद् भवन परिसरमा पत्रकारहरूसँग कुरा गर्दै उनले भने, ‘सार्वभौम सदनमा जनताको आवाज लिएर उपस्थित भएको प्रतिपक्षलाई बोल्न समय उपलब्ध गराइएन। पनि बार्गेनिङ गर्नुभयो। त्यसले लज्जाबोध भएको छ। हाम्रो माग यथावत् छ। गृहमन्त्रीको राजीनामा र उच्चस्तरीय छानबिन आयोगको नभई सदन चल्न दिँदैनौँ।’

उनले सदनमा प्रतिपक्षले बोल्न पाउनुपर्ने भएपनि नदिएको बताए।