काठमाडौं । रास्वपा सांसद निशा डाँगीले जेन जी पुस्ताको प्रतिनिधित्व गर्दै सो पुस्ताका चारवटा सरोकार संसदमार्फत सार्वजनिक गरेकी छन्।
प्रतिनिधि सभाको मंगलवारको बैठकमा बोल्दै सांसद डाँगीले सरकारको नीति कार्यक्रममा समेत जेन जी पुस्ताको बारे धेरै छलफल भएको भन्दै यो पुस्ताका चार सरोकार सरकार समक्ष राखेकी हुन् ।
सांसद डाँगीले जेन जी पुस्ता स्थिर सरकार र सुनिश्चित भविष्य चाहन्छ भन्दै हजुरबाको पालाका नेताबाट अब यो पुस्ताले आशा मारिसकेको बताइन् । उनले म्याद गुज्रेका नेता होइन नयाँ सोच र योजना भएको नेतृत्व चाहिएको बताइन् ।
उनले जेन जी पुस्ता उद्यमशीलता र सीप विकास तालिमसहितको रोजगारीका पक्षमा रहेको भन्दै डिग्री होइन गुणस्तरीय शिक्षा यो पुस्ताको सरोकार रहेको बताइन् । त्यस्तै देश भ्रष्टाचारले खोक्रो भन्दै भन्दै जेन जी पुस्ताले सुशासन र पारदर्शिता चाहेको भन्दै सांसद डाँगीले आफ्नो पुस्ताका जायज मागलाई सरकारको गम्भीरतापूर्वक लिन आग्रह गरिन् ।
