काठमाडौं। राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रलाई म्याद थपका लागि सातौं पटक अदालत लगिएको छ । वैशाख २१ मा थपिएको ५ दिनको म्याद सकिएसँगै उनलाई जिल्ला अदालत काठमाडौं पुर्याइएको हो ।
Advertisement
मिश्रलाई आज पनि हत्कडी लगाएरै अदालत पुर्याइएको थियो । गाडीबाट ओर्लिएपछि पनि हत्कडी नफुकालिएको त्यहाँ पुगेका राप्रपा केन्द्रीय सदस्य रञ्जन कार्कीले बताएका छन ।
उनले आफूले मिश्रको फोटो खिच्न खोज्दा प्रहरी इन्स्पेक्टरले ‘कैदीको मानव अधिकार हनन् हुन्छ भन्दै नदिएको बताए ।’
‘मेरो मोबाइल खोस्ने प्रयास गरियो । आज पनि दुईटै हातमा हत्कडी लगाइएको थियो नमस्कार गर्न खोज्दा पनि दिइएन । हत्कडी लाउँदा मानव अधिकार हनन् नहुने, फोटो खिच्दा हुने भनी सोधेँ ?’, राप्रपा नेता कार्कीले भने ।
