कैलाली। सुदूरपश्चिम प्रदेशमा माओवादी केन्द्रको संसदीय दलमा देखिएको विवाद समाधानका लागि आज अध्यक्ष पुष्पकमल दाहाल ‘प्रचण्ड’ले बोलाएको छलफल शौचालयमा लडेर घाइते भएपछी अन्तिम समयमा स्थगित गरिएको छ ।
बिहान ९ बजे र दिउँसो १ बजे दुई चरणमा बैठक तय भए पनि दुबै स्थगित भएको प्रचण्डका सल्लाहकार गोविन्द आचार्यले जानकारी दिए। २०८० माघ १२ मा खगराज भट्टलाई हटाएर मानबहादुर धामीलाई दलको नेता बनाएपछि सुरु भएको विवाद १६ महिनादेखि समाधान हुन सकेको छैन । धामी र भट्ट दुबै पक्षमा ५/५ सांसद उभिँदा बहुमत स्पष्ट हुन सकेको छैन।प्रचण्डले लिखित निर्देशनमार्फत दुईपटक नेता परिवर्तन गर्न भने पनि कार्यान्वयन नभएपछि सांसदहरूलाई खुमलटार बोलाइएको थियो।
तर, विवाद नटुंगिनै प्रचण्ड माओवादी निकट थारु राष्ट्रिय मुक्ति मोर्चाको सम्मेलनमा भाग लिएर पुनः काठमाडौँ फर्किएका छन् । अब छलफल कहिले हुने भन्ने तय भइसकेको भने छैन ।
