काठमाडौं – राष्ट्रिय स्वतन्त्र पार्टी (रास्वपा) का सभापति रवि लामिछानेले आफूलाई पक्राउ गरिए प्रतिवादमा उत्रिने चेतावनी दिएका छन् । उनले आफुले कुनै गल्ती नगरेको पनि बताएका छन । आइतबार राति केन्द्रीय कार्यालयमा कार्यकर्ता जम्मा गरेर सम्बोधन गर्दै लामिछानेले आफूलाई जेल पठाउने निर्णयको प्रतिवाद गर्ने घोषणा गरेका हुन् । ‘यिनको ध्यान रवि लामिछानेलाई जेल पठाउनेमा छ, रास्वपालाई सिध्याउनेमा छ ।
जुन हामी हुनै दिदैनौ । कुनै हालतमा हुन दिदैनौ’, उनले भने । लामिछानेले आफुले नबिराएकोले नडराएको पनि बताए । मैले बिराएको पनि छैन र डराएको पनि छैन । उनले भने, तर ट्रायल गर्न खोजिएको छ । आफूलाई पक्राउ गर्न सक्ने संकेत दिदै सभापति लामिछानेले कार्यकर्तालाई अलर्ट रहन निर्देशन दिए । ‘मलाई भरोसा छैन, यो सरकारले जे पनि गर्न सक्छ । यो सरकार दुई तिहाइको छ उनले भने, ‘तयार भएर रहनु होला, अलर्टमा रहनु होला ।
सरकारले षडयन्त्रपूर्वक तरिकाले पक्राउ गर्न सक्ने भएकाले हरेक हिसाबले लड्न तयार भएको पनि उनले बताए । ‘कानूनी रुपमा, नैतिक रुपमा र राजनीतिक रुपमा सत्यका लागि लड्न तयार भएर बसेको छु लामिछानेले भने । आफुमाथि प्रतिशोध सांध्न खोजिएको पनि उनले बताए । ‘ पन्चायतमा यस्तो हुन्थ्यो ।’ उनले कांग्रेस-एमाले गठबन्धनलाई चेतावनी दिंदै भने, दुई तिहाईको गठबन्धनलाई हेक्का रहोस रवि लामिछाने मान्छे बेचेर राजनीतिमा आएको होइन ।
