बारामा विषालु सर्पको टोकाइका कारण ११ वर्षीय बालकको निधन भएको छ । महागढीमाई नगरपालिका १० निवासी शिवचन्द्र लोहारका छोरा राकेशलाई घरमै सुतिरहेका बेला विषालु सर्पले टोकेर ज्यान गएको हो । सोमबार राति गोमन सर्पको टोकाइबाट गम्भीर भएका बालकलाई ढिलो गरी अस्पताल पुर्‍याइएपछि उपचार सम्भव नभई मृत्यु भएको जिल्ला प्रहरी कार्यालय बाराले जनाएको छ ।

Advertisement

सर्पले टोकेर पनि अभिभावकले सुरुमा मुसाले टोकेको हुन सक्ने अनुमान गरी अस्पताल जान ढिलो गरेको पाइएको छ । बालकको शवलाई पोस्टमार्टमका लागि प्रादेशिक अस्पताल कलैयामा राखिएको छ भने घटना बारे थप अनुसन्धान भइरहेको प्रहरीले जानकारी दिएको छ ।