काठमाडौं – प्रधानमन्त्री केपी शर्मा ओलीले दशरथ रंगशालाले देशकै बेइज्जत गरेको बताएका छन् । रजत पदक जितेका महिला भलिबल खेलाडीलाई बिहीबार पुरस्कार वितरण गर्दै प्रधानमन्त्री ओलीले केही दिनअघि भएको खेलबाट दशरथ रंगशालाले देशकै बेइज्जत गरेको बताएका हुन् ।

Advertisement

‘दशरथ रंगशालाको खेल मैदान धेरै विग्रिएको छ । म २०४४ सालमा जेलबाट छुटेपछि खेल पनि हेर्ने गरेको छु । त्यहाँ जाने पनि गरेको छु । यति साह्रो बिग्रिएको खेल मैदान देख्या थिएन । अहिले त हिलै छ,’ उनले भने, ‘अस्ति एउटा खेल हेर्दाखेरि देशकै बेइजत भयो । त्यसकारण देशकै बेइजत हुने खालको स्थिति हुनु हुँदैन ।’

प्रधानमन्त्री ओलीले उक्त रंगशालाको दुरुपयोग नगर्न आग्रह गरे । उनले रंगशाला फुटबलका लागि बनाइएको भन्दै त्यसैका लागि मात्र प्रयोग गर्न निर्देशनसमेत दिए ।