काठमाडौँ – परराष्ट्र सचिव सेवा लम्सालको निमन्त्रणमा आज भारतीय विदेश सचिव विक्रम मिश्री काठमाडौं आउँदै छन् । विदेश सचिव बनेलगत्तै मिश्री भुटान गएका थिए । यो उनको दोस्रो विदेश भ्रमण हो ।
Advertisement
नेपाल भ्रमणका क्रममा उनले नेपाल–भारतको सम्बन्ध विस्तार र द्विपक्षीय सहमतिका विविध विषयमा छलफल गर्ने परराष्ट्र मन्त्रालयले जनाएको छ । विदेश सचिव मिश्री २८ साउनमा भारत फर्किने कार्यक्रम छ ।
भारतस्थित विदेश मन्त्रालयले मिश्रीको यो भ्रमणबाट नियमित उच्चस्तरीय आदानप्रदानको परम्परालाई निरन्तरता दिएको र ‘छिमेकी पहिलो नीति’ अन्तर्गत भारतले नेपालसँगको सम्बन्धलाई दिएको प्राथमिकतालाई प्रतिबिम्बित गर्ने जनाएको परराष्ट्र मन्त्रालयले जनाएको छ ।
