रुकुम पश्चिममा जंगली च्याउको तरकारी खाँदा एकै परिवारका ५ जना बिरामी भएका छन् । बाँफीकोट गाउँपालिका–७, का आशिराम खत्रीको परिवारका ५ जना बिरामी भएको कर्णाली प्रदेश प्रहरीले जनाएको छ । बिरामी हुनेमा ३६ वर्षीय आशिराम सहित उनकी श्रीमति २६ वर्षीया कुमारी खत्री, ६ वर्षीय छोरा शेरबहादुर, ३ वर्षीया छोरी धनमाया र १४ वर्षका भान्जा निमबहादुर खत्री छन् ।

Advertisement

मंगलबार बेलुका च्याउ खाएका उनीहरू बुधबार बिहान बिरामी भएपछि उनीहरूलाई जिल्ला अस्पताल सल्यमा ल्याइएको प्रदेश प्रहरी कार्यालयका प्रवक्ता एवम् एसपी हिराबहादुर पाण्डेले जानकारी दिए । बिहान बेहोस अवस्थामा भेटिएका उनीहरु सबैको उपचारपछि होस खुलेको प्रहरीले जनाएको छ ।