काठमाडौँ। बझाङमा आगलागीबाट ३ वटा घर जलेर नष्ट भएका छन्।
Advertisement
मष्टा गाउँपालिका –६ को रोकाया टोलमा आगलागी हुँदा सँगै जोडिएका ३ घर जलेर नष्ट भएका हुन्।
आज दिउँसो १ बजेतिर आगलागी हुँदा स्थानीय विजय रोकाया, लोकेन्द्र रोकाया र ईश्वर रोकायाको घर पूर्णरुपमा जलेर नष्ट भएको वडा सचिव चक्रबहादुर रोकायाले जानकारी दिए।
उनका अनुसार आगो नियन्त्रणभन्दा बाहिर जाँदा घरभित्र भएका सुनका गहना, नगद पैसा , अन्नपात केही पनि बचेनन्। हावाहुरीका कारण आगो भिषण रुपमा फैलिएपछि रोकाया टोलका ३ घरपरिवार विचल्लीमा परेका छन्।
मष्टा गाउँपालिकाको अस्थायी प्रहरी चौकीबाट सुरक्षाकर्मी अहिले घटनास्थलतर्फ गइसकेको र घटनाबारे विस्तृत विवरण आउन बाँकी रहेको बताइएको छ।
