काठमाडौँ। रोजगारीको सिलसिलामा सन् २०१७ मा साउदी अरब पुगेका ३० वर्षीय जस बहादुर रानाले रोजगारदाताबाट बन्धक बनाइ लामो समयदेखि यातना भोग्नुका साथै जेलजीवन समेत बिताउनु परेको थियो
सुरुको ३ बर्ष सामान्य ढंगले काम गर्दै आएका जस बहादुर जब रिजाइन दिएर नेपाल फर्कने तयारी गरेका थिए तब उनीमाथि नसोचेको समस्या आइपरेको उनि बताउछन।
उनि रिजाइन गरेर नेपाल फर्कने दिनमा साउदीको विमानस्थलबाट बिना कारण प्रहरीचौकी पुर्याएको उनि बताउछन। आफु के कति कारण कुन अपराधले प्रहरीको हिरासतमा बस्नु परेको भन्ने बुझ्दा उनीमाथि झुटो आरोप लगाई विभिन्न कारण देखाई आफुलाई फसाउन खोजिएको उनि बताउछन र उनलाई सन् २०२० बाट सन् २०२४ सम्म कन्ट्री लक् गरि साउदी अरबमा यातना दिएर राखिएको बताए।
यता परिवारले भने जस बहादुर रानालाइ सक्दो चांडो नेपला झिकाउन हार गुहार गरिरहेका थिए। सोहि समयमा घर नजिकैका थमन गुरुङको सहायतामा बरिष्ठ समाजसेवी तथा सामाजिक अभियन्ता सावित्री अधिकारि समक्ष उनको भेट गराए, तब उनको उद्दार कार्यले पूर्णता पाएको थियो।
सावित्रिकै पहलमा यतिबेला जस बहादुर राना नेपाल फर्कन सफल भएका छन्। सावित्री अधिकारीले विगत लामो समय देखि विदेशी भुमिमा असमायिक निधन भएका नेपाली हरुको शवलाइ नेपाल फर्काएर परिवारको जिम्मा लगाउने काम गरिरहेकी छिन्, सोही क्रममा आफ्नै कम्पनीले यातना दिई बन्धक बनाएका युवक जस बहादुर रानालाई सकुशल जिवितै उद्दार गर्न सफल भएकी छिन।
झन्डै ३ महिनाको पहल कदम पश्चात राना नेपाल फर्किन सम्भव भएको सावित्री अधिकारी बताउनु हुन्छ। नेपाल फर्केका छोरा जस बहादुरलाई लिन उनका बाबु विमानस्थलसम्म पुगेका थिए। विमानस्थल पुगेका जस बहादुरका बाबुको मुहारमा बेग्लै किसिमको खुसि झल्किएको देख्न सकिन्थ्यो।
भने त्यही अनुहारमा खुशीसंगै पिडा पनि झल्किरहेको थियो , सायद त्यो पिडा विदेशमा समस्यामा परेका जस बहादुर रानालाई देख्न पाउदिन कि भन्ने पिडा त्यो मुहारमा झल्किएको हुनसक्छ। विदेशमा नै गुमाएको छोरालाइ आखा अगाडी देख्दा उनि भावुकका साथै खुशी पनि देखिन्थे र उनलाई नेपालसम्म फर्काउने सावित्री अधिकारीलाई धन्यवाद समेत दिएका थिए।
यसरि कयौ युवाहरु विदेशि भूमिमा अनाहकमा जेल जीवन बिताउनु पर्ने बन्धक बन्नु पर्ने परिस्थितिहरु बनेको र अब कहिल्ल्यै पनि आफ्नो देश छोडेर विदेश नजाने जस बहादुर रानाले प्रण गरेका छन्।
