काठमाडौँ । राष्ट्रिय स्वतन्त्र पार्टीका सभापति तथा सांसद रवि लामिछानेले जनतालाई उठिबास लगाएर गरिने विकासको अर्थ नहुने बताउनु भएको छ । चितवनको भरतपुर महानगरपालिका-१२ कालिका टोलमा आयोजित एक कार्यक्रममा उहाँले जनताको धन र ज्यानलाई सुरक्षित राखेर गरिने विकास नै दिगो हुने बताउनु भयो।

Advertisement

उहाँले भन्नुभयो, ‘विकास निर्माणका काम गर्दा राज्यले विवेक प्रयोग गर्नुपर्छ । पार्टीका कार्यकर्तालाई झन्डा बोकेर नभई आम नागरिक बनेर जनताको सेवक बन्नुपर्छ ।’ उहाँले आफ्नो आगामी पाँच वर्षमा धेरै काम गर्ने जिकिर गर्नु भयो । भोट हालेको र नहालेकै आधारमा जनतालाई विभेद नगर्ने उहाँले प्रष्ट्याउनु भयो । आश्वासनभन्दा पनि आवश्यकता हेरेर विकास निर्माणलाई अगाडि बढाउने उहाँले बताउनु भयो ।