काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले संयुक्त राष्ट्रसंघको महासभामा सहभागी हुन जान लागेका प्रधानमन्त्री बालेन्द्र शाहलाई जलवायु कूटनीति र जलवायु न्यायको मुद्दा सशक्त रूपमा उठाउन सुझाव दिएका छन् ।
प्रतिनिधि सभाको बैठकमा विशेष समय लिएर बोल्दै सभापति लामिछानेले जलवायु परिवर्तनको असरमा नेपालको कुनै दोष नभएको स्पष्ट पारेका हुन् ।
सभापति लामिछानेले भने, ‘प्रधानमन्त्रीज्यू, तपाईं राष्ट्रसंघको महासभामा जाँदै हुनुहुन्छ। त्यहाँ नेपालको तर्फबाट जलवायु कूटनीति र जलवायु न्यायको मुद्दालाई जोडदार रूपमा उठाउनुहोला। हामीले नखाएको विषको सजाय नेपालले भोग्न सक्दैन।’
नेपालमा हालै देखिएका विनाशकारी बाढीपहिरो लगायतका प्राकृतिक विपत्तिहरू नेपालको कारण नभई विश्वका अत्यधिक कार्बन उत्सर्जन गर्ने विकसित राष्ट्रहरूको क्रियाकलापको परिणाम भएको लामिछानेको जिकिर छ।
