काठमाडौँ । तनहुँको व्यास नगरपालिका ४ स्थित चिहानडाँडा नजिकै बोराभित्र आज मैगलबार एउटा शव फेला परेको छ । उक्त वडाको चिहानडाँडा नजिकको नालामा बोराभित्र महिलाको शव सडिसकेको अवस्थामा फेला परेको हो ।

Advertisement

जिल्ला प्रहरी कार्यालयका अनुसार मृत फेला परेको महिलाको पहिचान खुलेको छैन । घटनास्थलमा प्रहरीको टोली पुगेर अनुसन्धान गरिरहेको छ । व्यास नगरपालिका ४ का वडासदस्य सरोज भण्डारीका अनुसार महिलाको हात पछाडिपट्टि बाँधिएको अवस्थामा थियो । ‘शव सडिसकेको छ, अनुहार चिनिने अवस्था छैन । उक्त बाटो हिँड्डुल गर्ने स्थानीयवासीले गन्ध आएपछि प्रहरीलाई खबर गरेका थिए ।