काठमाडौं । काठमाडौंको त्रिभुवन विमास्थल नजिकै गोली चलेको छ । आइतबार बिहान लागूऔषध नियन्त्रण ब्यूरोबाट खटिएको टोलीले लागू औषधका कारोबारी २५ वर्षिय विकास भगत माथि गोली प्रहार गरेको हो । केन्द्रीय प्रवक्ता कुवेर कडायतले विमानस्थल नजिकैको सिनामंगल स्थित शम्भु मार्गमा लागुऔषध कारोबारीलाई नियन्त्रणमा लिने क्रममा व्युरोको टोलीले गोली चलाएको बताएका छन् ।
लागू औषधका कारोबारीलाई नियन्त्रणमा लिने क्रममा प्रहरीमाथि गोली चलाएपछि प्रहरी जवाफी फायरिङ गरेको हो । भगतबाट प्रहरीले १०० ग्राम लागू औषध नियन्त्रणमा लिएको छ । ठूलो मात्रामा लागूऔषध ओसारपसार गरेको आशंकामा ब्यूरोबाट प्रहरी निरीक्षकको टोलीले भगतलाई पछ्याएको थियो ।
भगत एक घरभित्र प्रवेश गरेपछि प्रहरी पनि पुगेको थियो । भगतले प्रहरी टोलीमाथि आक्रमण गरेपछि प्रहरीले गोली चलाएको हो । भगतको दायाँ खुट्टाको घुडामुनि गोलि लागेको छ । उनलाई उपचारका लागि काठमाडौँ मेडिकल कलेज लगिएको प्रहरीले जनाएको छ । उनि सँगै रहेका ३ ४ जना भने फरार भएका छन् । प्रहरीका अनुसार भगत भारतिय नागरिक रहेका छन् । भगतले लागुऔषध कारोबारी गरिरहेको सुचना पाएपछि उनलाई नियन्त्रण गर्न खोजेको थियो । सोही क्रममा उनले प्रहरीको हतियार खोसि आक्रमण गरे पछि प्रहरीले गोलि चलाएको हो । अहिले उनको उपचार भईरहेको छ ।
