काठमाडौं । आफ्नै शिशुको हत्या गरेको आरोपमा उनको बुवा पक्राउ परेका छन् । पक्राउ पर्नेमा बाराबो देवताल गाउँपालिका ४ तिप्राडी टोल बस्ने सर्फुदिन अन्सारी रहेका छन्। यस घटना बारे काठमाडौं उपत्यका अपराध अनुसन्धान कार्यालयका प्रहरी उपरीक्षक रविन्द्र रेग्मीले जानकारी दिएका छन् ।
उनले १४ दिनका छोराको हत्या गरी अन्सारी फरार भएका थिए। फरार भएपछी खोजतलासाका लागि जिल्ला प्रहरी कार्यालय बाराबाट पत्रचार भएको थियो। त्यसकै आधारमा कार्यालयबाट खटिएको प्रहरी टोलीले उनलाई काठमाडौंको चन्द्रागिरिबाट चन्द्रागिरी नगरपालिका ढुंगेअड्डा पिपलबोटमा फेला परेका थिए।
पत्रचारको आधारमा उनलाई खोजतलासको क्रममा काठमाडौंको चन्द्रागिरिबाट चन्द्रागिरी नगरपालिका ढुंगेअड्डा पिपलबोटबाट उनि पक्राउ परेको रेग्मीले बताएका छ्न् । पक्राउ परेका अन्सारीलाई आवश्यक अनुसन्धान तथा कारबाहीका लागि बारा पठाइएको छ ।
