काठमाडौँ । दुवै खुट्टा गुमाएका हरि बुढामगर ले सर्वोच्च शिखर सगरमाथाको सफल आरोहरण गर्नु भएको छ । यस सँगै उहाँले घुँडा माथिबाट दुवै अंग विच्छेदन भएको व्यक्तिको विश्व रेकर्ड कायम गराउनु भएको हो । आरोहरण सकेर पर्किए पश्चात उहाँको त्रि भुवन अन्तर्राष्ट्रिय विमान स्थलमा भव्यताका साथ स्वागत गरिएको थियो । यस्कै अवसरमा संघीय संसद, प्रतिनिधि सभाकी उपसभामुख इन्दिरा रानामगरले बुढालाई बधाई दिनु भएको छ । बुढालाई बधाई दिँदै इन्दिरा रानामगरको सचिवालयले लेखेको छ,
श्री हरि बुढामगर
थबाङ, रोल्पा
तपाईंले विश्वको सर्वोच्च शिखर सगरमाथाको चुचुरो चुम्ने पहिलो ‘डबल एम्प्युटी एभोब नी’ (घुँडा माथिबाट दुवै अंग विच्छेदन) भएको व्यक्तिको विश्व रेकर्ड कायम गर्नुभएकोमा हार्दिक बधाई व्यक्त गर्दछु ।
बेलायती सेनामा कार्यरत रहँदा सन् २०१० मा अफगानिस्तानमा बम विष्फोटमा परी दुवै खुट्टा घुँडामाथिबाटै गुमाउनु भएका तपाईंले यही २०८० जेठ ५ गते सर्वोच्च शिखर सगरमाथा आरोहण सफलतापूर्वक सम्पन्न गरी विश्वभरका अपाङ्गता भएका व्यक्तिहरुको प्रेरणा बन्नुभएको छ।
रोल्पाको दुर्गम गाउँ थबाङको मिरुलमा जन्मिनुभएका तपाईंले विश्वमै नेपाल र नेपालीको शिर सगरमाथाजस्तै उँचो बनाउनु भएको छ । शारिरीक रुपमा तन्दरुस्त भएकाहरुले पनि आँट गर्न नसक्ने सगरमाथा आरोहणको निकै कठीन र चुनौतीपूर्ण कार्यलाई तपाईंले कृत्रिम खुट्टाको भरमा पूरा गरी इच्छाशक्ति र उच्च मनोबल भए असम्भव भन्ने कुरा केही छैन भन्ने प्रमाणित गरिदिनुभएको छ।
तपाईंको उच्च मनोबल, अदम्य साहस र दृढ इच्छाशक्तिको विश्वभरका मानिसले प्रशंसा गरिरहेका छन् । आगामी दिनमा तपाईं अपाङ्गता भएका व्यक्तिहरुलाई थप ऊर्जा, प्रेरणा र मनोबल बढाउने कार्यमा समर्पित हुनेछ भन्ने कामनासहित सुखद र सक्रिय जीवनको हार्दिक शुभकामना व्यक्त गर्दछु ।
११ जेठ, २०८०
इन्दिरा रानामगर
उपसभामुख
संघीय संसद, प्रतिनिधि सभा
बुढाले अफगानिस्तानमा बम विष्फोटमा परी घुँडामाथि दुवै खुट्टा गुमाउनु भएको थियो । बृत्रिम खुट्टाकोसहारामा सगरमाथा सफल आरोहण गरेर किर्तिमानि कायम गर्ने उहाँ पहिलो व्यक्ति रहनु भएको छ ।
