काठमाडौँ । बलिउड अभिनेता सलमान खान घाइते हुनु भएको छ। ‘टाइगर ३’ को सुटिङका क्रममा उहाँ घाइते हुनु भएको हो । उहाँले सामाजिक सञ्जालमा एउटा तस्बिर सेयर गर्नु भएको छ, जसमा उहाँको काँधमा चोट लागेको र ब्यान्डेज लगाएको देखिन्छ । डम्बेल उठाउँदा सलमानलाई यो चोट लागेको हो ।
तस्बिर सेयर गर्दै सलमानले लेख्नु भएको छ, ‘जब तपाईंलाई लाग्छ कि तपाईं सारा संसारको भार आफ्नो काँधमा बोक्दै हुनुहुन्छ, तब उनीहरु भन्छन्- संसार छोड र पाँच किलोको डम्बेल उठाएर देखाऊ। बाघ घाइते छ।’
‘टाइगर ३’ मा सलमानको अपोजिट कट्रिना कैफले अभिनय गरेको बताइएको छ । ‘टाइगर’ को यो तेस्रो सिक्वेल हो । यो फिल्ममा शाहरुख खानले केमियो भूमिका निर्वाह गर्नु भएको छ ।
मनीष शर्मा निर्देशित ‘टाइगर ३’मा इमरान हाश्मी पनि रहनुहुने छ । फिल्म नोभेम्बर १० मा रिलिज हुनेछ । यो फिल्मपछि शाहरुख र सलमानको नयाँ फिल्म ‘टाइगर भर्सेस पठान’ को सुटिङ सुरु हुने बताइएको छ । सलमान र शाहरुखले यो फिल्मको सुटिङ २०२४ देखि सुरु गर्नेुहुने छ । ।
