काठमाडौं । प्रतिनिधिसभामा प्रधानमन्त्री पुष्पकमल दाहाल प्रचण्डले सांसदले उठाएका प्रश्नको जवाफ दिईरहनु भएको छ । प्रतिनिधिसभामा ४ मंसिरको निर्वाचनपछि चुनिएका सांसदले पहिलो पटक प्रधानमन्त्रीसँग प्रत्यक्ष प्रश्नोत्तर गर्ने कार्यसूची तय गरिएको हो ।
Advertisement
सांसदहरुले एक घन्टासम्म प्रधानमन्त्रीलाई समसामयिक विषयमा प्रश्न सोध्नेछन् । अहिले सांसदहरुले प्रश्न सोधिरहेका छन् । सांसदहरुले सोधेका प्रश्नको जवाफ प्रधानमन्त्रीले दिइरहनु भएको छ। प्रश्न सोध्ने सांसद धेरै भएपछि त्यसका लागि संसद्को नियमावली निलम्बन गरिएको छ ।
सांसदहरुले प्रधानमन्त्री प्रचण्डलाई नक्कली शरणार्थी प्रकरण, आगामी बजेट, सरकारको कार्यशैली, विकास निर्माण, कृषि लगायतका विषय वरपर रहेर प्रश्न सोधिरहेका छन् ।
