काठमाडौं । उद्योगमन्त्री गौरीकुमारी यादवले पदबाट राजीनामा दिएकी छन्।
Advertisement
मन्त्री यादवले प्रधानमन्त्री बालेन्द्र शाहसमक्ष राजीनामा बुझाएको उनका सञ्चार संयोजक कमल चौलागाईंले जानकारी दिएका छन्।
बुधबार संसदीय समितिको बैठकमा ग्यास उद्योगीहरूलाई लक्षित गर्दै मन्त्री यादवले दिएको ‘पाता फर्काउनुपर्ने’ अभिव्यक्ति विवादमा परेको थियो। उनको अभिव्यक्तिप्रति ग्यास उद्योगीहरूले आपत्ति जनाउँदै प्रधानमन्त्रीसमक्ष समेत ध्यानाकर्षण गराएका थिए।
मन्त्रीको अभिव्यक्तिलाई लिएर आलोचना बढ्दै गएपछि यादवले राजीनामा दिएको बताइएको छ।
राजीनामाको औपचारिक कारणबारे भने थप विवरण सार्वजनिक हुन बाँकी छ।
