काठमाडौँ । राष्ट्रिय स्वतन्त्र पार्टी (रास्वपा) का सांसद पुरुषोत्तम यादवले गत वर्ष भदौ २३ गते सडकमा सत्ता माग्न नगएको बताएका छन् ।

Advertisement

बुधबारको प्रतिनिधिसभा बैठकमा उनले सडकमा सुशासन माग्न गएको र जसको बदलामा लाठी र गोली खानुपरेको बताएका हुन् ।

“हामी सडकमा के माग्न गएको थियौँ रु जसको बदलामा हामीले लाठी र गोली खानुपर्‍यो,” उनले भने, “हाम्रो साथीहरू सुशासनका लागि सडकमा आउँदा बन्दुकको नालको निशानामा परेर ढले । हाम्रो माग सत्ता थिएन, कुर्सी थिएन । न त कसैको भाग खोस्न गएका थियौँ ।”

यादवले सरकारले जेनजीसँग भएका सम्झौता कार्यान्वयन नगरेको भन्दै विरोध समेत गरेका छन्। ‘आन्दोलन सफल भएपछि अन्तरिम सरकारसँग भएका सम्झौता अहिले पनि कार्यान्वय हुन सकेको छैन, ती सम्झौता यथाशीघ्र कार्यान्वयन गर्न म माग गर्दछु,’ यादवले भने।