काठमाडौँ । चीनको स्वशासित क्षेत्र तिब्बतमा नदी थुनिएर बनेको ताल भरिएर पानी बग्न थालेको छ ।
Advertisement
नेपालको परराष्ट्र मन्त्रालयबाट यो सूचना प्राप्त भएको भन्दै बाढी पूर्वानुमान महाशाखाले सतर्कता अपनाउन आग्रह गरेको हो ।
“भदौ १२, दिउँसो ०१ः०३ बजे । परराष्ट्र मन्त्रालयबाट प्राप्त सूचनाअनुसार भाद्र १० मा बाढी सिर्जना भएको स्थानमा नदी थुनिएर बनेको ताल भरिएर पानी बग्न थालेको र त्रिशूली नदीको तटीय क्षेत्र (मुग्लिनसम्म) अर्को सूचना नआउँदासम्म उच्च सतर्कतासहित सुरक्षित स्थानमा रहन अनुरोध छ,” महाशाखाले भनेको छ ।
