काठमाडौँ । नेकपा (एमाले) का अध्यक्ष केपी शर्मा ओलीले सामाजिक सञ्जालमा लेखेर वा बाहिर हस्ताक्षर संकलन गरेर अध्यक्ष हटाउन शैली स्वीकार्य नहुने बताएका छन् ।

Advertisement

झापामा आयोजित ‘नेकपा एमाले मिसन पार्टी जागरण’ शुभारम्भ कार्यक्रमलाई सम्बोधन गर्दै उनले सामाजिक सञ्जालमा लेखेर वा बाहिर हस्ताक्षर संकलन गरेर अध्यक्ष हटाउन खोज्नु पार्टीको पद्धति नभएको बताएका हुन्।

‘अध्यक्ष हट्नुपर्छ भन्ने कसैलाई लाग्छ भने पार्टीका सम्बन्धित कमिटीमा छलफल गर्नुपर्छ,’ ओलीले भने, ‘सामाजिक सञ्जालमा लेखेर वा बाहिर हस्ताक्षर संकलन गरेर अध्यक्ष हटाउने शैली पार्टीमा स्वीकार्य हुँदैन । त्यो अनुशासनहीनता र अराजकता हो ।’

ओलीले कसैलाई नेतृत्वको विचार वा कामप्रति असहमति छ भने खुला रूपमा आन्तरिक छलफल गर्न पाइने पनि बताएका छन् ।