हेटौंडा । बागमती प्रदेश सरकारमा सहभागी नेकपा एमालेका सबै ६ मन्त्रीले मंगलबार सामूहिक रूपमा राजीनामा दिएका छन्। एमालेले सरकारलाई दिएको समर्थन पनि फिर्ता लिएसँगै मुख्यमन्त्री इन्द्रबहादुर बानियाँ नेतृत्वको सरकार अल्पमतमा परेको छ।

Advertisement

एमाले संसदीय दलका नेता जगन्नाथ थपलियाले वर्तमान राजनीतिक परिस्थिति र पार्टीको निर्णयअनुसार मन्त्रीहरूले राजीनामा दिएको जानकारी दिएका छन्। एमाले नेतृत्वले अध्यक्ष केपी शर्मा ओली र नेकपा संयोजक पुष्पकमल दाहाल ‘प्रचण्ड’बीच प्रदेश सरकारबारे भएको छलफलपछि राजीनामा दिन निर्देशन दिएको बताइएको छ।

साउन २०८१ देखि कांग्रेस–एमाले गठबन्धनमा सञ्चालन हुँदै आएको बागमती सरकार अब संकटमा परेको छ। संविधानअनुसार मुख्यमन्त्री बानियाँले ३० दिनभित्र प्रदेशसभाबाट विश्वासको मत लिनुपर्नेछ।