काठमाडौं । अनलाइनखबर, हिमालय टेलिभिजन र कान्तिपुर मिडिया हाउसका कार्यालयअगाडि सोमबार बिहान शंकास्पद रूपमा गाडी पार्किङ गरिएपछि प्रहरीले अनुसन्धान थालेको छ।

Advertisement

कार्यालयको प्रवेशद्वारमै आवतजावत अवरुद्ध हुने गरी गाडी राखिएको सूचना पाएपछि प्रहरीले गाडीधनीको खोजी र घटनाबारे छानबिन सुरु गरेको जनाएको छ। जिल्ला प्रहरी परिसर काठमाडौंका अनुसार घटनाको कारण र संलग्न व्यक्तिबारे अनुसन्धान भइरहेको छ।

घटनाप्रति नेपाल पत्रकार महासंघले गम्भीर ध्यानाकर्षण भएको जनाएको छ। महासंघले सञ्चारमाध्यमको सुरक्षा सुनिश्चित गर्न, अवरोध तत्काल हटाउन र दोषीमाथि कानुनी कारबाही गर्न सरकारसँग माग गरेको छ। महासंघ अध्यक्ष निर्मला शर्माले घटनालाई शंकास्पद र नियोजित प्रकृतिको भन्दै पत्रकारको सुरक्षित कार्य वातावरण सुनिश्चित गर्न आग्रह गरेकी छन्।