काठमाडौँ । काठमाडौँ उपत्यकामा ट्राफिक नियम उल्लङ्घन गर्ने सवारीसाधनमाथि प्रहरीले कारबाहीलाई तीव्र बनाएको छ। पछिल्लो २४ घण्टामा मात्रै ट्राफिक प्रहरीले एक हजार ५९२ सवारीसाधनलाई कारबाही गर्दै २० लाख २४ हजार ५६१ रुपैयाँ राजस्व सङ्कलन गरेको छ।
काठमाडौँ उपत्यका ट्राफिक प्रहरी कार्यालयका प्रवक्ता ८८नरेशराज सुवेदी८८का अनुसार कारबाहीमा मादक पदार्थ सेवन गरी सवारी चलाउने ७३ जना, राइड सेयरिङ गर्ने ८७ जना, रातो बत्ती उल्लङ्घन गर्ने ७४ जना, तीव्र गतिमा सवारी चलाउने ७८ जना तथा लेन अनुशासन पालना नगर्ने ४७ जना परेका छन्।
यस्तै, सवारीमा कालो सिसा प्रयोग गर्ने ८७ जना, ुनो हर्नु क्षेत्रमा हर्न बजाउने ५६ जना, एकतर्फी सडकमा सवारी प्रवेश गराउने ३२ जना तथा अन्य विभिन्न ट्राफिक कसुरमा एक हजार ५८ जनामाथि पनि कारबाही गरिएको उनले जानकारी दिए।
ट्राफिक प्रहरीले पछिल्लो समय काठमाडौँ उपत्यकाभित्र सडक अनुशासन कायम गराउन निगरानी र कारबाहीलाई थप प्रभावकारी बनाउँदै आएको जनाएको छ। प्रहरीका अनुसार ट्राफिक नियमको पालना नगर्ने सवारीसाधनमाथि आगामी दिनमा पनि नियमित रूपमा कडाइ गरिनेछ।
