झापाको मेचीनगरमा जंगली हात्तीको आक्रमणबाट एक महिलाको मृत्यु भएको छ।

Advertisement

जिल्ला प्रहरी कार्यालय झापाका अनुसार आइतबार बिहान करिब ४ः५५ बजे मेचीनगर नगरपालिका–४ स्थित वडा कार्यालय नजिक स्थानीय ६२ वर्षीया पद्मा पौडेलमाथि जंगली हात्तीले आक्रमण गरेको थियो।

घरबाट बाहिर निस्कने क्रममा अचानक आएको हात्तीले कुल्चिएपछि उनको घटनास्थलमै मृत्यु भएको प्रहरीले जनाएको छ।

मेचीनगरको बाहुनडाँगी क्षेत्र मानव–हात्ती द्वन्द्वका कारण लामो समयदेखि जोखिमपूर्ण मानिन्छ। भारतसँग सीमा जोडिएको उक्त क्षेत्रमा जंगली हात्ती बस्तीमा प्रवेश गर्ने घटना बारम्बार दोहोरिने गरेको छ। स्थानीयवासीले मानव–हात्ती द्वन्द्व न्यूनीकरणका लागि प्रभावकारी उपाय अपनाउन सम्बन्धित निकायसँग माग गर्दै आएका छन्।