काठमाण्डौ। राष्ट्रिय प्रजातन्त्र पार्टी (राप्रपा) परित्यागको घोषणा गरेको भोलिपल्टै डा. धवलशम्शेर राणा र दुर्गा प्रसाईंबीच सहकार्यसम्बन्धी समझदारीपत्रमा हस्ताक्षर हुने भएको छ । दुवै पक्षबीच राष्ट्रवादी तथा राजसंस्था पक्षधर शक्तिहरूलाई एकताबद्ध गर्ने विषयमा सहकार्यको औपचारिक घोषणा गर्ने तयारी गरिएको छ । यसका लागि समझदारीपत्र (एमओयू) मा हस्ताक्षर गरिने कार्यक्रम तय भएको बताइएको छ ।
Advertisement
हालै राप्रपा त्याग्ने घोषणा गरेका राणाले नयाँ राजनीतिक यात्राको संकेत गरिरहेका बेला प्रसाईंसँगको सहकार्यलाई अर्थपूर्ण रूपमा हेरिएको छ । दुवै पक्षले आगामी दिनमा साझा एजेन्डा, आन्दोलन र राजनीतिक सहकार्यका विषयमा मिलेर अघि बढ्ने अपेक्षा गरिएको छ ।
