काठमाडौं । चितवन क्षेत्र नम्बर २ बाट पुनः निर्वाचित राष्ट्रिय स्वतन्त्र पार्टीका सभापति रवि लामिछानेले देश कंगाल पार्नेहरूलाई आफूहरूले नछाड्ने बताउनु भएको छ ।

Advertisement

विजयी भएको प्रमाणपत्र बुझिसकेपछि मंगलबार दिउँसो आयोजित धन्यवाद सभामा बोल्दै लामिछानेले भ्रष्टाचार गरेर देश कंगाल पार्नेहरूलाई ठेगान लगाउनकै लागि आफूहरू राजनीतिमा आएको बताउनु भयो ।

‘तपाईंहरुले हामीबाट चाहनुभएको पहिलो कुरा सुशान हो। यो देशलाई कंगाल पार्नेहरूलाई नछोड्नु भन्नुभएको छ, हामी कुनै हालतमा छोड्दैनौँ, निर्धक्क हुनुहोला।’ लामिछानेले भन्नु भयो, ‘यो देशलाई कंगाल पार्नेहरूको हिसाब निकाल्न हामी राजनीतिमा आएका हौं। कुनै दिन यी मंचमा त्यस्ता हिसाब सार्वजनिक गर्ने दिन आउनेछ।’